Colombo (News 1st) யாழ்ப்பாணம் – பருத்தித்துறை கடற்பரப்பில் கைது செய்யப்பட்ட இந்திய மீனவர்கள் 14 பேர் விளக்கமறியலில் வைக்கப்பட்டுள்ளனர்.
இந்திய மீனவர்களை பருத்தித்துறை நீதவான் நீதிமன்றத்தில் இன்று பிற்பகல் ஆஜர்படுத்திய போது எதிர்வரும் 21 ஆம் திகதி வரை அவர்களை விளக்கமறியலில் வைக்குமாறு உத்தரவிடப்பட்டுள்ளது.
கைது செய்யப்பட்ட மீனவர்களில் 16 வயது சிறுவனும் அடங்கியுள்ளார்.
அவரையும் ஏனையவர்களுடன் சிறைச்சாலையில் வைப்பதற்கு அனுமதி கோரப்பட்ட நிலையில், நீதவான் அனுமதி வழங்கியுள்ளார்.
SEA OF SRILANKA எனப்படும் இலங்கை கடல் எல்லைக்குள் அத்துமீறி பிரவேசித்து பருத்தித்துறை கடற்பரப்பில் மீன்பிடியில் ஈடுபட்ட போது, இலங்கை கடற்படையினரால் நேற்றிரவு மீனவர்கள் 14 பேரும் கைது செய்யப்பட்டனர்.
-488742_850x460.jpg "மாகாண சபைகள் மற்றும் உள்ளூராட்சி மன்றங்களுக்கான குழுக்களை நியமித்தல் குறித்து தேர்தல் கண்காணிப்பு அமைப்புகள் எச்சரிக்கை")
